පිලිපීනයේ මැනිලා නුවරට කිලෝමීටර 60ක් පමණ දකුණින් පිහිටි ටාල් ගිනි කන්ද මේ වන විට සක්රිය වී තිබේ.
එමඟින් කිලෝමීටර් දෙකක් පමණ ඉහළ අහසට පිපිරුමේ අළු සහ වාෂ්ප විසි වී ඇති බව සඳහන් වේ.
ටාල් ගිනි කන්ද අනතුරු ඇඟවීමේ මට්ටම 1 යටතේ පවතී.
පිලිපීන ගිනිකඳු විද්යා හා භූ කම්පන විද්යා ආයතනය පවසා ඇත්තේ තවදුරටත් අළු විමෝචනය හෝ කෙටි කාලීන පිපිරීම් ඇතිවීමේ හැකියාව පෙන්නුම් කරන බවය.
වාෂ්ප පිපිරීම් සහ විෂ වායු නිරාවරණය විය හැකි බැවින් එම කලාපයට, විශේෂයෙන් ප්රධාන ආවාටය අසල ප්රදේශවලට ඇතුළුවීමෙන් වළකිනලෙසට උපදෙස් දී ඇත.
පිලිපීනයේ වඩාත් ක්රියාකාරී ගිනි කඳු වලින් එකක් වන ටාල් ගිනි කන්ද අවසන් වරට 2020 ජනවාරි මාසයේදී ප්රධාන පිපිරීමක් සිදුව ඇත.
පිලිපීන ගිනිකඳු විද්යා හා භූ කම්පන විද්යා ආයතනය ගිනි කන්දෙහි ක්රියාකාරිත්වය සමීපව නිරීක්ෂණය කිරීම දිගටම කරගෙන යන අතර ගිනිකඳු දූපත වටා අමතර අධීක්ෂණ උපකරණ යොදවා ඇත.
