ආණ්ඩුව ජනතාවට ලබාදුන් පොරොන්දු ඉටු කළත් ඔවුනට දිගු කාලයක් බලයේ රැඳී සිටීමට නොහැකි බව පාර්ලිමේන්තු මන්ත්රී එස්.එම්. මරික්කාර් මහතා සමගි ජන බලවේගයේ පක්ෂ මූලස්ථානයේ ඊයේ (13දා) පැවැති මාධ්ය හමුවේදී පැවසීය.
” ආණ්ඩුව කුමන ආකාරයේ කැබිනට් සංශෝධනයක් සිදුකළත් පත්වන්නේ එකම කණ්ඩායමයි. ඒ නිසා ආණ්ඩුවේ අකාර්යක්ෂමතාවය වසාගැනීමට, ජනතාව විඳින දුක නතර කරන්න හෝ ණය බර වැඩිවීම වළක්වා ගැනීමට හෝ ආණ්ඩුවට හැකියාවක් නැහැ. එහි ප්රතිඵල පළාත් සභා මැතිවරණයේදී දැකගන්න පුලුවන් වෙයි. ඒ වගේම ආණ්ඩුව පළාත් සභා මැතිවරණය පවත්වන්න සූදානම් බව පෙන්වන්න උත්සහ කරනවා. නමුත් පළාත් සභා මැතිවරණය පවත්වන්නැයි ජිනිවා මානව හිමිකම් කොමිෂන් සභාවද ශ්රී ලංකාවට දන්වා තිබෙනවා. ඒ අනුව ආණ්ඩුවට අනිවාර්යෙන්ම පළාත් සභා මැතිවරණය පවත්වන්න සිදුවෙනවා ” වැඩිදුරටත් කතා කළ මන්ත්රීවරයා මෙසේද පැවසීය.
👁️ 3,520 Views
