බොරලැස්ගමුව සහ මහව යන පොලිස් වසම්වලින් මාරක රිය අනතුරු දෙකක් හේතුවෙන් දෙදෙනෙකු ජීවිතක්ෂයට පත්ව ඇති බව පොලිස් මාධ්ය කොට්ඨාසය පවසයි.
බොරලැස්ගමුව පොලිස් වසමේ රත්නපිටිය සූරියමල් මාර්ගයේදී ලොරි රථයක් පිටුපසට ගැනීමේදී අසල මාර්ගයකට පෙරළී අනතුරක් සිදුව තිබේ.
අනතුරින් තුවාල ලැබූ ලොරි රථයේ රියදුරු සහ ඉදිරිපස අසුනේ ගමන් කළ කාන්තාවක කළුබෝවිල රෝහලට ඇතුළත් කිරීමෙන් පසු ලොරි රථයේ රියදුරු ජීවිතක්ෂයට පත්ව ඇත.
මියගිය රියදුරු වයස අවුරුදු 51ක් වන අතර, ඔහු බොරලැස්ගමුව ප්රදේශයේ පදිංචිකරුවෙකි. මෘත ශරීරය කළුබෝවිල රෝහලේ මෘත ශරීරාගාරයේ තැන්පත් කර ඇති අතර, බොරලැස්ගමුව පොලිසිය වැඩිදුර විමර්ශන සිදු කරයි.
දෙවන මාරක අනතුර මහව පොලිස් වසමේ අනුරාධපුරය-පාදෙනිය මාර්ගයේ කැත්පහුව හන්දියේදී සිදුව තිබේ.
එහිදී, අනුරාධපුර දෙස සිට පාදෙණ් දෙසට ධාවනය වූ වෑන් රථයක් මාර්ගයේ පදික මාරුව හරහා ගමන් කළ පදික පුද්ගලයෙකුගේ ගැටීමෙන් අනතුර සිදුව ඇත. අනතුරින් බරපතළ තුවාල ලැබූ පදිකයා අඹන්පොළ රෝහලට ඇතුළත් කිරීමෙන් පසු මියගොස් ඇත.
