පුරාවස්තු සෙවීමේ අරමුණින් කැණීම් කරමින් සිටි සැකකරුවන් 08 දෙනකු කැණීම් උපකරණ හා පූජා භාණ්ඩ ද සමඟ ගලේවෙල සහ බණ්ඩාරදූව ප්‍රදේශවලින් අත්අඩංගුවට ගෙන ඇතැයි පොලීසිය පවසනවා.

ඊයේ (14) සවස ගලේවෙල පොලිස් වසමේ මාදිපොල ප්‍රදේශයේදී සැකකරුවන් 07 දෙනකු නිදන් හාරමින් සිටින බවට ගලේවෙල පොලිස් ස්ථානයේ නිලධාරීන් කණ්ඩායමකට ලද තොරතුරකට අනුව මෙම වැටලීම සිදුකර ඇතැයි පොලිස් මූලස්ථානය සඳහන් කරනවා.

සැකකරුවන් අවුරුදු 28 ත් 58 ත් අතර වයස්වල පසුවන මාදිපොල, වැලිකන්ද, මිල්ලවාන, දම්මින්න හා දෙහිඅත්තකණ්ඩිය ප්‍රදේශවල පදිංචිකරුවන්. 

ගලේවෙල පොලිසිය වැඩිදුර විමර්ශන සිදු කරනු ලබයි.